CASOS DE ÉXITO
Persist
O principal reto de PERSIST é mellorar a calidade de vida dos pacientes que sobreviven ao cancro de mama e colorrectal, empregando tecnoloxías de Intelixencia Artificial e Big Data, os expertos desenvolverán un innovador ecosistema que apoie a toma de decisións dos facultativos contribuíndo a decisións de tratamento óptimas.
Este sistema estará baseado en novos modelos de análises de datos sanitarios e, á súa vez, PERSIST dispoñerá dun sistema mHealth para a monitorización remota e personalizada de cada paciente. Ademais, os socios desenvolverán unha plataforma Big Data que integra ambos os sistemas e conectarase aos sistemas de historia clínica de calquera hospital.
A iniciativa contempla a realización dun piloto transnacional con máis de 150 pacientes e 32 profesionais do ámbito da saúde de 4 países distintos que será decisivo para o proxecto.
Palabras clave
Saúde
Intelixencia Artificial
Big Data
Centro Tecnolóxico
GRADIANT
Data
2022-2023
O proxecto PERSIST supoñerá un avance radical na calidade do tratamento e o seguimento dos sobreviventes de cancro. Con el non só desenvolveremos aplicacións innovadoras baseadas en Intelixencia Artificial e Big Data, senón que tamén demostraremos a súa efectividade para mellorar a calidade de vida destes pacientes. O seu enfoque centrarase totalmente neles, e teranse en conta todos os elementos necesarios do ecosistema sanitario para garantir unha rápida asimilación dos resultados no contexto europeo.